” Barnat anti-inflamatore josteroidale dhe komplikacionet nga përdorimi afatgjat “

Barnat anti-inflamatore josteroidale (NSAIDs) janë një grup barna që përdoren gjerësisht për të lehtësuar dhimbjen, inflamacionin dhe ethet. Megjithatë, përdorimi i tyre afatgjatë ose në doza të larta mund të shkaktojë dëmtime serioze në mukozën e stomakut. Kjo ndodh sepse NSAID-të funksionojnë duke frenuar enzimat ciklooksigjenazë-1 (COX-1) dhe ciklooksigjenazë-2 (COX-2), të cilat janë përgjegjëse për sintezën e prostaglandinave.

Prostaglandinat janë substanca që luajnë një rol të rëndësishëm në ruajtjen e integritetit të mukozës gastrike. Ato ndihmojnë në stimulimin e prodhimit të mukusit dhe bikarbonateve, të cilat mbrojnë muret e stomakut nga acidet e tretjes dhe rregullojnë qarkullimin e gjakut në mukozë. Kur sinteza e prostaglandinës frenohet nga NSAID-të, stomaku e humb këtë mbrojtje natyrale, duke e bërë mukozën më të ndjeshme ndaj dëmtimit nga acidi i stomakut.

Pasojat e këtij dëmtimi përfshijnë zhvillimin e ulcerave (plagëve) në mukozën e stomakut ose duodenit dhe rrezikun e gjakderdhjes së brendshme. Këto ulçera mund të jenë të dhimbshme dhe kërcënuese për jetën nëse nuk trajtohen në kohë.